
गुल्मी-
गुल्मीको रेसुङ्गा विमानस्थलमा चार महिनापछि मंगलबार हवाई सेवा पुनः सञ्चालनमा आएको छ । प्रतिकूल मौसमका कारण जेठको तेस्रो सातादेखि जिल्लामा हवाई उडान अवरुद्ध भएकोमा मंगलबारबाट सञ्चालनमा आएको रेसुङ्गा विमानस्थलका स्टेशन प्रमुख सुमन थापाले जानकारी दिएका छन् ।
मङ्गलबार काठमाडौँबाट १३ यात्रु बोकेर अवतरण गरेको विमान गुल्मीबाट दुई जना यात्रुसहित काठमाडौँ फर्किएको छ ।
नेपाल वायुसेवा निगमले अब सातामा तीन दिन उडान गर्नेगरी नयाँ तालिका निर्धारण गरेको छ ।
नेपाल वायुसेवा निगमले १८ सिट क्षमताको ट्वीनअटर विमानमार्फत काठमाडौँ–गुल्मी र गुल्मी–काठमाडौँ उडान गर्दै आएको छ ।


